Actividades náuticas: surf, vela e kayak
Surf
Ferrolterra é terra de surf. Pantín (Valdoviño) ten sona internacional —é sede do Pantín Classic do circuíto mundial— e Doniños, San Xurxo ou A Frouxeira dan ondas para todos os niveis. Para comezar con monitores titulados: Valdo Surf School (Doniños). En Pantín tamén hai escolas de surf en tempada.
Vela e navegación
A ría abrigada é ideal para aprender a navegar. O Club Náutico de Ares imparte cursos de vela lixeira (desde os 8 anos) e de crucero. Para titulacións náuticas de recreo, en Ferrol está Dunasport; e a formación náutico-pesqueira profesional, na Escola Náutico-Pesqueira de Ferrol.
Piragüismo e kayak
O río Eume, as Fragas e a ría son perfectos para o kayak. En Cabanas, o Club Cabanas KDM ofrece cursos de verán e augas tranquilas; en Pontedeume, o Club Náutico Firrete (desde 1967) organiza rutas polo río Eume e a ría de Ares; e Fragas do Eume Kayak fai rutas guiadas navegando polo parque natural.
Máis praia e mar
Praias de Ferrolterra Calidade da auga e bandeiras Rutas de sendeirismo
Comproba condicións, prezos e reservas con cada escola ou club. O mar cambia rápido: respecta sempre as bandeiras e as indicacións dos socorristas.